Кој вработува, општината или партијата?
Времетраење: 15 месеци
Цел: Примарната цел за иницирање на ваков проект е да дадеме придонес во идентификување на конкретни примери на нефер и нетранспарентни процеси на вработување на локално ниво, како и детално проучување на овој феномен.
Целна група: Единиците на локалната самоуправа, Агенцијата за администрација, МИОА, граѓаните на РМ
Главни резултати:
- идентификување на главните проблеми при процедурите за вработување во ЕЛС
- идентификување на типови на корупција кои се среќаваат во овие процедури
- идентификување и анализирање на причините за коруптивни активности
- анализирање на трендовите во коруптивни активности, т.е. дали има подобрување или влошување со примената на нефер практики во вработувањата
- утврдување на разлики-сличности помеѓу доминантно албанско/македонски општини и општини со владејачка или партија во опозиција според централната власт, во примената на нефер практики при вработувањата
- анализирање и лоцирање на потенцијал за спречување на корупција
Главни активности:
- Промо настан на проектот
- Деск истражување (документи, закони, претходни истражувања, прирачници кои се однесуваат на корупција генерално, и корупција на локално ниво, со особен фокус на корупција при вработување. Исто така, истражување на релевантни документи во врска со процесите на вработување во администрација на избраните општини)
- Барање на податоци од општините од интерес за ова истражување за огласи за вработување во последните 7 години целта е да се добие увид за процесите на вработување во последните три мандати
- Испраќање на барања за пристап до информации од слободен карактер за потребните огласи за вработувања во јавна администрација, и известувања за вработувања и други потребни документи кои не се достапни јавно
- Информативни интервјуа со експерти од областа
- Изработка на прашалникот за полу-структуираните интервјуа (topic guide)
- Интервјуа со вработени и поранешни вработени во јавна администрација, членови на совет на општина
- Организирање на четири фокус групи во различни плански региони со граѓани кои конкурирале за работа во општинска администрација, вработени во општината во одделенијата за човечки ресурси и други вработени во општинските администрации.
- Анализа на податоци добиени преку деск истражувањето и интервјуата и фокус групите.
- Изработка на прв драфт на документ за јавни политики
- Ревизија на прв драфт на документ за јавни политки
- Изработка на втор драфт на документ за јавни политки
- Консултација и читање на драфтот со дел од интервјуираните и експерти
- Изработка на финална верзија на документот за јавни политки
- Доставување на документ за јавни политки до ЕПИ
- Дисеминација на резултати: организирање на настан за промоција на студијата со присуство на што поголем број на засегнати страни и со задолжително медиумско покривање на истиот.
Спроведувањето на Проектот е дел од шемата за регрантирање на граѓански организации, во рамките на Проектот „Мрежа 23+“ ИПА 2015/372-126, финансиран од Европската Унија. Проектот „Мрежа 23+“ го спроведуваат ЕПИ, како носител на проектот, во партнерство со Хелсиншкиот комитет за човекови права на Република Македонија.
